ગાંધીનગરમાં આવેલી એક ખાનગી કોલેજમાં ચકચારી ઘટના સામે આવી છે. કોલેજના ક્લાસ રૂમમાં જ એક વિદ્યાર્થિનીએ ગળે ફાંસો ખાઈને જીવન ટૂંકાવતા શૈક્ષણિક આલમમાં અરેરાટી વ્યાપી ગઈ છે. કોલેજ છૂટ્યા બાદ આ પગલું ભરાયું હોવાનું પ્રાથમિક વિગતોમાં જાણવા મળ્યું છે.
ખાનગી કોલેજમાં વિદ્યાર્થિનીનો આપઘાત
મૃતક વિદ્યાર્થિનીની ઓળખ શિવાની આહીર તરીકે થઈ છે. શિવાની મૂળ પાટણ જિલ્લાના રાધનપુર તાલુકાના સામેત્રા ગામની વતની હતી અને ગાંધીનગરની આ ખાનગી કોલેજમાં પ્રથમ વર્ષમાં અભ્યાસ કરી રહી હતી. મળતી માહિતી મુજબ, કોલેજનો સમય પૂર્ણ થયા બાદ જ્યારે અન્ય વિદ્યાર્થીઓ રવાના થયા હતા, ત્યારે શિવાનીએ ખાલી ક્લાસ રૂમમાં જઈ ગળે ફાંસો ખાઈ લીધો હતો.
