ગુજરાત વિધાનસભાના બજેટ સત્રના પ્રારંભિક દિવસે જ ઉપાધ્યક્ષ પદની ચૂંટણી પ્રક્રિયા યોજવામાં આવી હતી. ભાજપના પૂર્વ મંત્રી અને ધારાસભ્ય પૂર્ણેશ મોદી બહુમતીના આધારે ગુજરાત વિધાનસભાના નવા ઉપાધ્યક્ષ તરીકે ચૂંટાઈ આવ્યા છે.
ગુજરાત વિધાનસભાના ઉપાધ્યક્ષ બન્યા પૂર્ણેશ મોદી
આજે ગૃહમાં ઉપાધ્યક્ષ પદ માટે મતદાનની પ્રક્રિયા હાથ ધરવામાં આવી હતી. પૂર્ણેશ મોદીના સમર્થનમાં સૌથી વધુ મત પડ્યા હતા અને ધ્વનિ મત (Voice Vote) દ્વારા તેમને વિજેતા જાહેર કરવામાં આવ્યા હતા. આ સાથે જ કામકાજ સલાહકાર સમિતિના 11મા અહેવાલની રજૂઆત કરવાનો પ્રસ્તાવ પણ ગૃહમાં સર્વાનુમતે સ્વીકારવામાં આવ્યો હતો.