મોરબી જિલ્લાના હળવદ તાલુકાના ટીકર ગામે તસ્કરોએ કાયદો અને વ્યવસ્થાને પડકાર ફેંકી એક બંધ મકાનને નિશાન બનાવ્યું છે. મકાનના દરવાજાનું તાળું તોડી તસ્કરો લાખોની કિંમતના સોનાના દાગીના ચોરી કરી રફુચક્કર થઈ ગયા છે.
ટીકરમાં રહેણાંક મકાનમાં ખાતર પડ્યું
મળતી માહિતી મુજબ, ટીકર ગામે રહેતા સુરેશભાઈ કાનજીભાઈના મકાનને તસ્કરોએ નિશાન બનાવ્યું હતું. સુરેશભાઈનું પરિવાર કોઈ કારણસર બહાર ગયું હોય અથવા રાત્રિના સમયે મકાન બંધ હોય તેનો લાભ ઉઠાવી તસ્કરો ત્રાટક્યા હતા. અજાણ્યા શખ્સોએ મકાનના મુખ્ય દરવાજાનું તાળું તોડી અંદર પ્રવેશ કર્યો હતો અને તિજોરી કે કબાટમાં રાખેલા કિંમતી ઘરેણાંની ચોરી કરી હતી.તસ્કરો મકાનમાંથી સાડા પાંચ તોલા જેટલું સોનું ચોરી ગયા છે, જેની બજાર કિંમત આશરે ₹3.94 લાખ હોવાનું સામે આવ્યું છે.
