સાબરકાંઠા જિલ્લાના વડાલી પોલીસ મથક વિસ્તારમાં એક સગીરાને લગ્નની લાલચ આપી અપહરણ કર્યા બાદ તેની પર દુષ્કર્મ આચરવાની હૃદયદ્રાવક ઘટના સામે આવી છે. આ મામલે વડાલી પોલીસે ગણતરીના દિવસોમાં જ ટેકનિકલ સર્વેલન્સની મદદથી આરોપીને રાજસ્થાનના શિવગંજથી ઝડપી પાડી જેલના સળિયા પાછળ ધકેલી દીધો છે.
સગીરાને લગ્નની લાલચ આપી દુષ્કર્મ
મળતી માહિતી મુજબ, ઈડર તાલુકાના રાવોલ ગામના એક યુવકે સગીરાને લગ્નની લાલચ આપી તેનું અપહરણ કર્યું હતું. સગીરા અચાનક ગુમ થતા પરિવારજનોએ વડાલી પોલીસ મથકે ફરિયાદ નોંધાવી હતી. તપાસ દરમિયાન બહાર આવ્યું હતું કે આરોપી સગીરાને ભગાડીને રાજસ્થાનના શિવગંજ લઈ ગયો હતો અને ત્યાં અલગ-અલગ સ્થળોએ તેની પર દુષ્કર્મ આચર્યું હતું.