સાબરકાંઠા જિલ્લાના ગાંભોઈ-રણાસર હાઈવે પર આવેલી એક મોટી કાપડ ફેક્ટરીમાં આજે અચાનક ભીષણ આગ ફાટી નીકળતા સમગ્ર પંથકમાં દોડધામ મચી ગઈ છે. ગાડીના સીટ કવર માટે વપરાતું કાપડ બનાવતી બી.એમ.ડી. (BMD) પ્રાઈવેટ લિમિટેડ નામની કંપનીમાં લાગેલી આ આગે થોડી જ વારમાં વિકરાળ સ્વરૂપ ધારણ કરી લીધું હતું.
ગાંભોઈ-રણાસર હાઈવે પર કાપડ ફેક્ટરીમાં આગ
મળતી માહિતી મુજબ, ફેક્ટરીમાં રાખવામાં આવેલો કાપડનો જથ્થો અત્યંત જ્વલનશીલ હોવાથી આગ ઝડપથી પ્રસરી હતી. આગ એટલી ભીષણ છે કે આકાશમાં દૂર-દૂર સુધી કાળા ધુમાડાના ગોટેગોટા જોવા મળી રહ્યા છે. છેલ્લા એક કલાકથી આગ પર કાબૂ મેળવવાના પ્રયાસો ચાલુ છે, પરંતુ જથ્થો વધુ હોવાથી આગ હજુ પણ યથાવત છે.