હિંમતનગર પાસે આવેલા અમદાવાદ-ઉદયપુર નેશનલ હાઇવે 48 પર આજે એક ગંભીર આગની ઘટના બની હતી. હિંમતનગરની સિવિલ ચોકડી પાસે આવેલી ઓવરબ્રિજ પર એક ચાલતી કારમાં અચાનક આગ ભભૂકી ઉઠી હતી. જોતજોતામાં આગે વિકરાળ સ્વરૂપ ધારણ કરી લેતા સમગ્ર પંથકમાં અફરાતફરી મચી ગઈ હતી.
હાઇવે પર ટ્રાફિક થંભી ગયો
બ્રિજ પર કારમાં આગ લાગવાની ઘટનાને પગલે સુરક્ષાના કારણોસર હાઇવે પરનો એક તરફનો વાહન વ્યવહાર તાત્કાલિક અસરથી બંધ કરી દેવામાં આવ્યો હતો. ઘટનાસ્થળે લોકોના ટોળેટોળાં ઉમટી પડ્યા હતા અને દૂર-દૂર સુધી આગની જ્વાળાઓ અને ધુમાડાના ગોટેગોટા જોવા મળ્યા હતા.
