જામનગર શહેરના જાણીતા અને વ્યસ્ત ગણાતા હીરજી મિસ્ત્રી રોડ પર ગત રાત્રિએ એક ભયાનક આગની ઘટના બનતા સમગ્ર વિસ્તારમાં સનસનાટી મચી ગઇ હતી. ઉદ્યોગનગર વિસ્તારમાં આવેલી આ જગ્યાએ રાત્રિના સમયે પાર્ક કરવામાં આવેલી એક ખાનગી બસમાં અચાનક ભીષણ આગ ફાટી નીકળી હતી.
અચાનક પાર્ક કરેલી બસમાં લાગી આગ
મળતી માહિતી પ્રમાણે મધરાતનો સમય હોવાથી આસપાસ શાંતિ હતી, પરંતુ અચાનક પાર્ક કરેલી બસમાંથી ધુમાડાના ગોટેગોટા નીકળવા લાગ્યા હતા. જોતજોતામાં આગ એટલી વિકરાળ બની ગઈ હતી કે બસમાંથી આગની ઊંચી લપટો દેખાવા લાગી હતી. આ દ્રશ્ય જોઈ આસપાસના રહીશો અને પસાર થતા લોકોમાં અફરાતફરી મચી ગઈ હતી. લોકો પોતપોતાના ઘરની બહાર દોડી આવ્યા હતા અને ભયનો માહોલ ફેલાયો હતો.
