પશ્ચિમ એશિયામાં ઈરાન અને ઈઝરાયલ વચ્ચે ચાલી રહેલા યુદ્ધ જેવી ગંભીર પરિસ્થિતિને ધ્યાનમાં રાખીને ભારત સરકારે દરિયાઈ સુરક્ષા બાબતે 'રેડ એલર્ટ' જેવી સ્થિતિમાં કામગીરી શરૂ કરી છે. આ અંતર્ગત જામનગર જિલ્લાના સંવેદનશીલ દરિયાકાંઠાના વિસ્તારોમાં મરીન ટાસ્ક ફોર્સ દ્વારા અત્યંત સઘન સુરક્ષા કવાયત હાથ ધરવામાં આવી છે.
સુરક્ષા ઓપરેશનની વિગત
મરીન કમાન્ડોની અલગ-અલગ ટીમો દ્વારા જામનગરના નવા-જૂના બેડી બંદર, રોજીબંદર, માધાપર, જોડિયા ભુંગા, ખારા બેરાજા અને એરફોર્સ દરિયાઈ રેન્જ સહિતના વિસ્તારોમાં ધામા નાખવામાં આવ્યા છે. આ ઓપરેશન દરમિયાન દરિયાકાંઠાની અવાવરું જગ્યાઓનું પણ ઝીણવટભર્યું ચેકિંગ કરવામાં આવ્યું છે. દરિયામાં જોવા મળતી શંકાસ્પદ બોટ અને શંકાસ્પદ વ્યક્તિઓની અટકાયત કરી તેમની પૂછપરછ હાથ ધરવામાં આવી રહી છે.
