શહેરમાં અસામાજિક પ્રવૃત્તિઓ ડામવા માટે પોલીસ સતર્ક બની છે, ત્યારે જુનાગઢના સરદારપરા વિસ્તારમાં ચાલતા એક કુટણખાના પર પોલીસે લાલ આંખ કરી છે. બી ડિવિઝન પોલીસે બાતમીના આધારે રેડ પાડીને દેહવ્યાપારના મસમોટા નેટવર્કને ઝડપી પાડ્યું છે.
સંચાલિકા અને ગ્રાહકો પોલીસ સકંજામાં
મળતી માહિતી મુજબ, સરદારપરામાં લાંબા સમયથી અનૈતિક પ્રવૃત્તિઓ ચાલતી હોવાની શંકા હતી. પોલીસે ચોક્કસ આયોજન સાથે જ્યારે રેડ પાડી ત્યારે સ્થળ પરથી કુટણખાનાની સંચાલિકા તેમજ ગ્રાહકો રંગેહાથ ઝડપાઈ ગયા હતા. આ મામલે પોલીસે કુલ 3 વ્યક્તિઓની ધરપકડ કરી છે.