વંથલી તાલુકાના કણજડી ગામે આજે અકસ્માતની એક ઘટના બાદ ભારેલા અગ્નિ જેવી સ્થિતિ સર્જાઈ હતી. પૂરપાટ ઝડપે આવતા એક ડમ્પરે ગામના યુવાનને હડફેટે લેતા ગ્રામજનોનો આક્રોશ ફાટી નીકળ્યો હતો, જેમાં એક ડમ્પરને આગ ચાંપી દેવામાં આવી હતી.
વંથલીમાં અકસ્માત બાદ ભારે હિંસા
મળતી માહિતી મુજબ, વંથલીના કણજડી ગામ પાસેથી પસાર થઈ રહેલા એક ડમ્પર ચાલકે ગામના જ એક યુવાનને જોરદાર ટક્કર મારી હતી. આ અકસ્માતમાં યુવાન ગંભીર રીતે ઘવાતા ગ્રામજનો મોટી સંખ્યામાં એકઠા થઈ ગયા હતા. ડમ્પર ચાલકોની અવારનવારની બેદરકારીથી કંટાળેલા લોકોએ કાયદો હાથમાં લીધો હતો.
