જૂનાગઢમાં ભવનાથ ખાતે ચાલી રહેલા પવિત્ર મેળા દરમિયાન દત્ત ચોક વિસ્તારમાં એક નાગા સાધુએ આતંક મચાવતા લોકોમાં ભયનો માહોલ છવાઇ ગયો હતો.
નાગા બાવાએ હાથમાં ખુલ્લી તલવાર લઈને નિર્દોષ લોકો પાછળ દોડી તેમને ડરાવ્યા હોવાની માહિતી મળી છે.
મળતી માહિતી મુજબ રસ્તાની બાજુમાં સૂતેલા કેટલાક લોકોને સાધુએ બેફામ માર માર્યો હતો.
ઘટનાસ્થળે હાજર લોકોના જણાવ્યા અનુસાર સાધુ સાથે રહેલા કપિરાજે પણ અનેક લોકો પર હુમલો કરી ઇજા પહોંચાડી હતી. હિંસક બનેલા સાધુએ દત્ત ચોક વિસ્તારને જાણે બાનમાં લઈ લીધો હોય તેવી સ્થિતિ સર્જાઈ હતી.
અચાનક બનેલી આ ઘટનાને કારણે શ્રદ્ધાળુઓમાં નાસભાગ મચી ગઈ હતી અને મેળાના શાંતિપૂર્ણ વાતાવરણમાં ડર ફેલાયો હતો. સ્થાનિક લોકો અને યાત્રિકોમાં સાધુના વર્તન સામે ભારે રોષ જોવા મળ્યો હતો.
ઘટનાની જાણ થતાં જ પોલીસ કાફલો તાત્કાલિક સ્થળ પર દોડી આવ્યો હતો અને સાધુને કાબૂમાં લઈને પોલીસ સ્ટેશન ખાતે લઈ જવાયો હતો. પોલીસે સમગ્ર મામલે વધુ તપાસ શરૂ કરી છે.
આ પણ વાંચો---- Surat : નામચીન ચિરાગ ગોટીનો આતંક, પોતાની જ કંપનીના ડ્રાઇવરને ઢોર માર માર્યો, લાયસન્સ વગર પિસ્તોલ લઇને ફરતો હોવાનો આરોપ