જૂનાગઢ શહેરમાં એક 34 વર્ષીય યુવકના શંકાસ્પદ સંજોગોમાં મોત થતાં ચકચાર મચી ગઈ છે. આ ઘટના સી. એલ. કોલેજ પાસેના બીલખા રોડ પર બની હતી.મળતી માહિતી મુજબ, મૃતક યુવાન મોડી રાત્રે બીલખા રોડ પર બેભાન હાલતમાં પડ્યો હતો. આ અંગે કોઈ અજાણ્યા વ્યક્તિએ યુવકના પરિવારજનોને જાણ કરી હતી.
જૂનાગઢમાં 34 વર્ષના યુવકનું શંકાસ્પદ મોત
પરિવાર તાત્કાલિક ઘટનાસ્થળે દોડી આવ્યો હતો અને યુવાનને સારવાર અર્થે હોસ્પિટલ ખસેડવામાં આવ્યો હતો. જોકે, ફરજ પરના તબીબે યુવકને મૃત જાહેર કર્યો હતો. યુવકનું મોત કયા સંજોગોમાં થયું તે સ્પષ્ટ ન થતાં, પરિજનોએ આ સમગ્ર મામલે ઊંડાણપૂર્વક તપાસની માંગ કરી છે.
