જૂનાગઢના કાળવાચોક વિસ્તારમાં આજે વહેલી સવારે હડકંપ મચી ગયો હતો. બાતમીના આધારે એક શંકાસ્પદ દૂધના ટેન્કરને અટકાવ્યું હતું. આ ટેન્કરમાં અંદાજે 8,000 લિટર દૂધનો જથ્થો હોવાનું સામે આવ્યું છે, જે પ્રાથમિક દ્રષ્ટિએ શંકાસ્પદ જણાયું હતું.
પોલીસ કાફલો ઘટનાસ્થળે
ટેન્કર અટકાવ્યા બાદ તુરંત જ સ્થાનિક પોલીસને જાણ કરી હતી. પોલીસ કાફલો તાત્કાલિક કાળવાચોક પહોંચી ગયો હતો અને ટેન્કરને કબ્જે કરીને વધુ તપાસ માટે પોલીસ સ્ટેશન લઈ જવામાં આવ્યું છે. આ દૂધ લેરીયા ગામની 'કનૈયા ડેરી' માંથી આવતું હોવાની પ્રાથમિક વિગતો મળી છે.
