શહેરમાં એક તરફ ગેસની અછત અને સંકટ જેવી સ્થિતિનો લાભ લઈને કેટલાક તત્વો કમાઈ લેવાની લ્હાયમાં લોકોના જીવ જોખમમાં મૂકી રહ્યા છે. રાજકોટના પારડી ગામે આવેલી 'સોનુ ગેસ એજન્સી' માં પોલીસ દ્વારા પાડવામાં આવેલા દરોડામાં ગેરકાયદેસર ગેસ રિફિલિંગનું મોટું કૌભાંડ સામે આવ્યું છે.
ચુલા રિપેરિંગના બહાને ખતરનાક ખેલ
પોલીસ તપાસમાં જાણવા મળ્યું છે કે આ એજન્સીમાં બહારથી 'ચુલા રિપેરિંગ' નું કામ થતું હોવાનું દર્શાવવામાં આવતું હતું, પરંતુ અંદરની બાજુએ મોટા ગેસ સિલિન્ડરમાંથી નાના બાટલાઓમાં ગેસ રિફિલિંગ કરવાનું જોખમી કામકાજ ચાલતું હતું. આ રીતે LPG સિલિન્ડરની કાળાબજારી કરીને સામાન્ય જનતા પાસેથી ઉંચા ભાવ વસૂલવામાં આવતા હતા.
