આણંદ જિલ્લાના ખંભાત શહેરમાં ગરીબોને વહેંચવાના સરકારી અનાજના જથ્થાને કાળા બજારમાં વેચવા લઈ જવાનો એક મોટો પ્રયાસ નિષ્ફળ ગયો છે. ખંભાત શહેર પોલીસે કોલેજ રોડ પરથી સરકારી અનાજ ભરેલા એક ટેમ્પાને ઝડપી પાડીને આ કૌભાંડનો પર્દાફાશ કર્યો છે.
120 કટ્ટા ઘઉં અને ચોખા કબજે
પોલીસે કોલેજ રોડ પરથી એક આયશર ટેમ્પાને શંકાના આધારે રોકીને તેની તલાશી લીધી હતી. તલાશી દરમિયાન ટેમ્પામાંથી ઘઉં અને ચોખા ભરેલા 120 કટ્ટા મળી આવ્યા હતા. કબજે કરાયેલા સરકારી અનાજનો કુલ જથ્થો આશરે 6,000 કિલો (6 ટન) જેટલો છે.પોલીસે ટેમ્પા ચાલકની અટકાયત કરીને પૂછપરછ હાથ ધરી હતી. પૂછપરછમાં સામે આવ્યું હતું કે આ સરકારી અનાજનો જથ્થો ગરીબ પરિવારોને વહેંચવાને બદલે કાળા બજારમાં વેચવા લઈ જવામાં આવી રહ્યો હતો.
