કચ્છના આદિપુરમાં આજે સવારથી જ મનપા (મ્યુનિસિપલ કોર્પોરેશન) દ્વારા દબાણ હટાવો ઝુંબેશ તેજ કરવામાં આવી છે. શહેરના વ્યસ્ત GIDC વિસ્તારમાં લાંબા સમયથી ખડકાયેલા ગેરકાયદે દબાણો પર આજે તંત્રનું બુલડોઝર ફરી વળ્યું છે. ગઈકાલે સ્થાનિકોના ભારે વિરોધ અને મનપાના ઘેરાવ બાદ આજે તંત્રએ ચુસ્ત પોલીસ બંદોબસ્ત સાથે આ કાર્યવાહી હાથ ધરી છે.
GIDC વિસ્તારમાં ગેરકાયદે દબાણ દૂર
મનપા દ્વારા કરવામાં આવેલી આ મેગા ડ્રાઈવમાં અંદાજે 100થી 120 જેટલા ગેરકાયદે દબાણો તોડી પાડવામાં આવ્યા છે. GIDC વિસ્તારમાં રસ્તા નડતરરૂપ કેબિનો, કાચા-પાકા બાંધકામો અને ગેરકાયદે ઓટલાઓને જમીનદોસ્ત કરી દેવામાં આવ્યા છે. આ કામગીરીને પગલે વર્ષોથી કબજો જમાવી બેઠેલા દબાણકર્તાઓમાં ભારે દોડધામ મચી ગઈ હતી.
