કચ્છના સરહદી વિસ્તારોમાં બેફામ બનેલા ખનીજ માફિયાઓને ડામવા માટે ખાણ ખનીજ વિભાગની ફ્લાઈંગ સ્ક્વોડે સપાટો બોલાવ્યો છે. જિલ્લાના અબડાસાના કોઠારા અને લખપત તાલુકાના મુચરબાણ વિસ્તારમાં આકસ્મિક રેડ કરીને મોટા પાયે ચાલી રહેલી રેતી અને ખનીજ ચોરીનો પર્દાફાશ કરવામાં આવ્યો છે.
રેડની વિગત
ફ્લાઈંગ સ્ક્વોડની ટીમે બાતમીના આધારે કોઠારા વિસ્તારમાં તપાસ હાથ ધરી હતી, જ્યાંથી ગેરકાયદેસર રેતીનું ખનન કરતા બે ડમ્પર અને એક લોડર મશીન ઝડપી પાડવામાં આવ્યું છે. આ ઉપરાંત, લખપત તાલુકાના મુચરબાણ પંથકમાં પણ ટીમે તવાઈ બોલાવી હતી, જ્યાંથી ખનીજ ચોરીમાં સંડોવાયેલા અન્ય બે ડમ્પર સહિતના વાહનો કબ્જે કરવામાં આવ્યા છે.