ભારતીય સેનાના જવાનો માત્ર દુશ્મનો સામે લડવામાં જ નહીં, પરંતુ સાહસિક પ્રવૃત્તિઓમાં પણ હંમેશા અગ્રેસર રહે છે. કચ્છના સફેદ રણમાં ધોરડો ખાતેથી સેના દ્વારા એક અત્યંત રોમાંચક 'લેન્ડ યોટિંગ અભિયાન' શરૂ કરવામાં આવ્યું છે. આ અભિયાનની વિશેષતા એ છે કે સમગ્ર એશિયા ખંડમાં માત્ર કચ્છના રણમાં જ આ પ્રકારનું આયોજન શક્ય બને છે, જે ભારતીય સેનાની ક્ષમતા અને કચ્છની ભૌગોલિક વિશેષતાનો સંગમ દર્શાવે છે.
લેન્ડ યોટિંગ અભિયાન શરૂ
આ અભિયાનમાં ભારતીય સેનાના કુલ 21 જાંબાઝ જવાનો જોડાયા છે.રૂટ: ધોરડોના રણથી શરૂ થયેલી આ સફર ધર્મશાળા, વિધાકોર્ટ અને શક્તિબેટ જેવા અંતરિયાળ તેમજ સંવેદનશીલ સરહદી વિસ્તારોમાંથી પસાર થશે. આ અભિયાનનો મુખ્ય ઉદ્દેશ્ય સરહદી વિસ્તારમાં વસતા યુવાનોને ભારતીય સેનાની શિસ્ત અને સાહસથી પરિચિત કરાવવાનો અને તેમને સેનામાં જોડાઈ દેશસેવા કરવા પ્રેરિત કરવાનો છે.
