જિલ્લાના રામપર વિસ્તારમાં થોડા સમય પહેલા ફાયરિંગ અને તોડફોડ કરી ભયનો માહોલ પેદા કરનાર શખ્સો વિરુદ્ધ પોલીસે કડક વલણ અપનાવ્યું છે. આ ચકચારી કેસમાં ધરપકડ કરાયેલા આરોપીઓને સાથે રાખીને પોલીસે ઘટનાનું રી-કન્સ્ટ્રક્શન કરાવ્યું હતું.

રામપરના પૂર્વ સરપંચના ઘર પર હુમલો કર્યો

મળતી માહિતી મુજબ, આરોપીઓએ રામપરના પૂર્વ સરપંચના ઘર પર અચાનક હુમલો કર્યો હતો. આ હુમલા દરમિયાન આરોપીઓએ હવામાં ફાયરિંગ કરીને આસપાસના લોકોમાં દહેશત ફેલાવી હતી. એટલું જ નહીં, ઉશ્કેરાયેલા ટોળાએ ઘરની બહાર પાર્ક કરેલા પાંચ જેટલા વાહનોમાં પણ ભારે તોડફોડ કરીને મોટું નુકસાન પહોંચાડ્યું હતું.

પોલીસની કાર્યવાહી

આ ગંભીર ગુનાની તપાસ કરી રહેલી પોલીસે અત્યાર સુધીમાં કુલ 24 આરોપીઓની ધરપકડ કરી છે. તપાસના ભાગરૂપે, પોલીસ આરોપીઓને ચુસ્ત બંદોબસ્ત વચ્ચે ઘટનાસ્થળે લઈ ગઈ હતી. આરોપીઓએ કઈ રીતે હુમલો કર્યો, કઈ દિશામાંથી ફાયરિંગ કર્યું અને વાહનો કઈ રીતે તોડ્યા, તે તમામ બાબતોનું સ્થળ પર રી-કન્સ્ટ્રક્શન કરવામાં આવ્યું હતું.

આ પણ વાંચો: Surat: પર્વત પાટિયામાં 20 ફૂટ ઊંડા ખાડામાં બે લોકો ખાબક્યા,ક્રેનની મદદથી કરાયું રેસ્ક્યુ