કચ્છ જિલ્લામાં સસ્તા સોના અને નકલી ચલણી નોટોની લાલચ આપી નિર્દોષ લોકોને છેતરતી એક રીઢી ગેંગનો પશ્ચિમ કચ્છ લોકલ ક્રાઇમ બ્રાન્ચ (LCB) એ પર્દાફાશ કર્યો છે. પોલીસે આ મામલે ત્રણ આરોપીઓની ધરપકડ કરી તેમની પાસેથી ગુનામાં વપરાયેલી સામગ્રી કબ્જે કરી છે.
ડિજિટલ યુગમાં નવી ઠગાઈ
આ ટોળકી અત્યંત શાતિર રીતે સોશિયલ મીડિયા પ્લેટફોર્મનો ઉપયોગ કરતી હતી. તેઓ ફેસબુક અને ઇન્સ્ટાગ્રામ જેવા માધ્યમો પર નકલી ચલણી નોટોના બંડલ અને સોનાના બિસ્કિટના વીડિયો અપલોડ કરતા હતા. આ વીડિયો જોઈને લલચાઈને સંપર્ક કરતા લોકોને તેઓ સસ્તા ભાવે સોનું આપવાનું કહી વિશ્વાસમાં લેતા અને ત્યારબાદ અસલી રોકડ રકમ પડાવી નકલી સોનું પધરાવી દઈ ફરાર થઈ જતા હતા.
