મહીસાગર જિલ્લાના કડાણા તાલુકાના જૂના ઝીંઝવા રોડ પર એક ગંભીર અકસ્માત સર્જાયો છે, જેમાં એક કાર ચાલક યુવક સાથે સીધી કૂવામાં ખાબકી હતી. આ ઘટનાને પગલે આસપાસના વિસ્તારમાં દોડધામ મચી ગઈ હતી અને સ્થાનિક લોકો મદદ માટે ઘટનાસ્થળે ઉમટી પડ્યા હતા.
કડાણામાં કૂવામાં કાર ખાબકી
મળતી માહિતી મુજબ, જૂના ઝીંઝવા રોડ પરથી એક કાર પસાર થઈ રહી હતી. કોઈ અગમ્ય કારણોસર ચાલકે કાર પરનો કાબૂ ગુમાવ્યો હતો, જેના પરિણામે કાર રોડની બાજુમાં આવેલા ઉંડા કૂવામાં સીધી ખાબકી હતી. કારની સાથે અંદર સવાર યુવક પણ કૂવાના પાણીમાં ગરકાવ થઈ ગયો હતો.
