ઉત્તરાયણના તહેવારને થોડાંક દિવસનો જ સમય બાકી છે. ત્યાં મહેસાણામાં પ્રતિબંધિત ચાઇનીઝ દોરીએ પોતાનો કહેર સામે આવ્યો છે. મહેસાણાના વ્યસ્ત ગણાતા રાધનપુર રોડ પર એક બાઈકચાલક આ જીવલેણ દોરીનો શિકાર બન્યો હતો. આ ઘટનાએ સમગ્ર શહેરમાં ચકચાર મચાવી દીધી છે અને ચાઇનીઝ દોરીના વેચાણ સામે પણ ગંભીર સવાલો ઉભા થયા છે.
ચાઇનીઝ દોરીના કારણે બાઈકચાલકનું ગળું કપાયું
મળતી માહિતી અનુસાર, એક યુવાન પોતાની બાઇક લઇને રાધનપુર રોડ પરથી પસાર થઇ રહ્યો હતો. ત્યારે અચાનક હવામાં લટકતી જીવલેણ ચાઇનીઝ દોરી તેના ગળાના ભાગે આવી ગઇ. દોરી એટલી ધારદાર હતી કે બાઇક ઉભી રાખે તે પહેલાં જ તેનું ગળું ગંભીર રીતે કપાઇ ગયુ હતું. લોહીલુહાણ હાલતમાં યુવાનને તાત્કાલિક હોસ્પિટલ ખસેડવામાં આવ્યો હતો.
