નવસારી જિલ્લાના ચીખલી નેશનલ હાઈવે પર આજે એક મોટી દુર્ઘટના ઘટતા રહી ગઈ છે. મહારાષ્ટ્રના ભીવંડીથી ભરેલી અને અંકલેશ્વર જઈ રહેલી એક આઈસર ગાડીમાં અચાનક ધુમાડા નીકળતા હાઈવે પર ભારે અફરાતફરીનો માહોલ સર્જાયો હતો. ખાસ કરીને ગાડીમાં જ્વલનશીલ કેમિકલ ભરેલું હોવાથી વિસ્ફોટનો ભય પણ સતાવી રહ્યો હતો.
ચીખલી પાસે કેમિકલ ભરેલી આઈસરમાં આગ
મહારાષ્ટ્રથી અંકલેશ્વર તરફ જઈ રહેલી આ આઈસર ગાડીમાં 'કાર્બન ડાયસલ્ફાઈડ' નામનું અત્યંત જ્વલનશીલ કેમિકલ ભરેલું હતું. નેશનલ હાઈવે પર ચાલુ ગાડીએ અચાનક કેબિન કે બોડીના ભાગેથી ધુમાડા નીકળતા ડ્રાઈવર સતર્ક થઈ ગયો હતો. સમયસૂચકતા વાપરીને ડ્રાઈવર ગાડીને સુરક્ષિત રીતે ચીખલી ચાર રસ્તા ઓવરબ્રિજ નીચે લઈ આવ્યો હતો અને તાત્કાલિક ફાયર વિભાગને જાણ કરી હતી.