પારડીના ચાર રસ્તા નજીક નેશનલ હાઈવે 48 પર પોલીસને મળતી પૂર્વબાતમીના આધારે દારૂની હેરાફેરી કરતા બે બુટલેગર્સ પકડાયા છે. પિકઅપ ટેમ્પો અને દારૂ સહિત કુલ રૂ. 3,43,200નો મુદ્દામાલ જપ્ત કરવામાં આવ્યો છે.


પોલીસની કામગીરી

પારડી પોલીસે ચાર રસ્તા-બ્રિજ વિસ્તારમાં વોચ ગોઠવી હતી અને શંકાસ્પદ રીતે પસાર થઈ રહેલા GJ-32-T-9841 નંબરના પિકઅપ ટેમ્પોને રોકી તપાસ હાથ ધરવામાં આવી. તપાસ દરમિયાન ટેમ્પોના ચેસીસના ભાગમાં બનાવેલા છુપાયેલા ચોરખાનામાંથી રૂ. 43,200ની કિંમતનો વિદેશી દારૂનો જથ્થો મળી આવ્યો.

કાયદેસરની કાર્યવાહી

પોલીસે પકડાયેલા બુટલેગર્સ હાર્દિક ડાયાભાઇ સોસા અને હિતેશ નાથાભાઈ વાળા (બંને રહે. કોડીનાર, ગીરસોમનાથ) સામે પ્રોહિબિશન એક્ટ હેઠળ ગુનો દાખલ કર્યો છે અને વધુ તપાસ હાથ ધરવામાં આવી છે.

Also Read

આ પણ વાંચો--- Bhavnagar : રબારી સમાજે ટ્રિપલ મર્ડર કેસના આરોપી શૈલેષ ખાંભલા સામે કડક કાર્યવાહીની માંગણી કરી

  • Follow us on: