પાટણમાં જીલિયા ફાર્મ હાઉસ પર કેટલાક અસામાજિક તત્વોએ હુમલો કરીને તોડફોડ કરી હતી. ત્યાર બાદ પોલીસ ત્યાં પહોંચતા પોલીસ પર પણ હુમલો કરવામાં આવ્યો હતો. પોલીસ ઉભી પૂંછડીયે ત્યાંથી ભાગી હતી. પોલીસે કોમ્બિંગ કરીને એક એક આરોપીને પકડ્યા હતાં અને જાહેરમાં ટાંટિયા તોડ સર્વિસ કરીને તેમનો વરઘોડો કાઢ્યો હતો. પોલીસે આ કેસમાં વામેયા ગેંગ સામે કાર્યવાહી કરી છે. મસ્તાની ગેંગનો હવે હિસાબ થશે.
હવે મસ્તાની ગેંગનો હિસાબ કરાશે
પાટણ પોલીસ જીલિયા ફાર્મ પર થયેલા હુમલાના કેસમાં એક્શનમાં આવી ગઈ છે. વામેયા ગેંગના લોકોની ટાંટિયા તોડ સર્વિસ કર્યા બાદ હવે મસ્તાની ગેંગનો હિસાબ કરવાની શરૂઆત કરી છે. જે ફાર્મ પર હુમલો થયો હતો તે ભાવેશ રબારીનું હોવાનું સામે આવ્યું છે. ભાવેશ રબારીના ફાર્મ પર હુમલો થયો હતો. હવે ભાવેશ રબારીના ફાર્મ પર બુલડોઝર ફરશે. વહિવટી તંત્ર દ્વારા ડિમોલિશન કરવામાં આવશે. જીલિયા ફાર્મ પર ચુસ્ત પોલીસ બંદોબસ્ત ગોઠવી દેવામાં આવશે.