બોગસ ડોક્ટરને લઇને અવાર નવાર સામાચાર સામે આવતા રહે છે. ત્યારે ફરી એક વખત પાટણના ચાણસ્માના કંબોઇમાંથી બોગસ તબીબ ઝડપાયો છે. આ તબીબ પાસે કોઇ પણ પ્રકારની માન્ય ડિગ્રી કે લાયસન્સ હતુ જ નહીં. તે તેના વગર છેલ્લાં કેટલાંય સમયથી ગામમાં દવાખાનું ખોલીને લોકોની સારવાર કરતો હતો. પાટણની એસઓજી પોલીસે ગામમાં સફળતા પૂર્વક ઓપરેશન પાર પાડીને તે નકલી ડોક્ટરને ઝડપી પાડ્યો છે.
બોગસ તબીબ SOG પોલીસના સકંજામાં
SOG પોલીસને ચોક્કસ બાતમી મળી હતી કે કંબોઇ ગામમાં એક વ્યક્તિ ડોક્ટર હોવાનો ડોળ કરીને ગેરકાયદેસર રીતે દવાખાનું ચલાવી રહ્યો છે. આ બાતમીના આધારે પોલીસે જ્યારે સ્થળ પર દરોડા પાડ્યા, ત્યારે સંજય પટેલ નામનો શખ્સ દર્દીઓની સારવાર કરતા રંગેહાથ ઝડપાયો હતો. પોલીસે જ્યારે તેની પાસે મેડિકલ પ્રેક્ટિસ માટેની ડિગ્રી કે સરકાર માન્ય લાયસન્સ માંગ્યું, ત્યારે તે કોઈ પણ આધારભૂત પુરાવા રજૂ કરી શક્યો નહોતો.
