શહેરમાં આજે એક ભયાનક કાર અકસ્માતની ઘટના સામે આવી છે. ભાવસિંહજી હોસ્પિટલ નજીકથી પસાર થઈ રહેલી એક કારના ચાલકે અચાનક કાબૂ ગુમાવતા કાર રસ્તા વચ્ચે આવેલા સર્કલ પર ચડી ગઈ હતી. કારની ઝડપ એટલી વધારે હતી કે અકસ્માત થતા જ આસપાસના વિસ્તારમાં મોટો અવાજ ગુંજી ઉઠ્યો હતો.
પોરબંદરમાં કારનો અકસ્માત
પ્રત્યક્ષદર્શીઓના જણાવ્યા અનુસાર, કાર ખૂબ જ ઝડપથી આવી રહી હતી. હોસ્પિટલ પાસેના ટર્નિંગ અથવા સર્કલ પાસે ચાલકે સ્ટીયરિંગ પરનો કાબૂ ગુમાવી દીધો હતો, જેના કારણે કાર સીધી સર્કલ પર ચડી ગઈ હતી. અકસ્માતને પગલે સ્થાનિક લોકોના ટોળેટોળા ઘટના સ્થળે ઉમટી પડ્યા હતા.
