પોરબંદર PGVCL દ્વારા હાલમાં હાથ ધરવામાં આવેલી 'મેગા ડિસકનેક્શન ડ્રાઈવ' અંતર્ગત આજે એક મોટી કાર્યવાહી કરવામાં આવી છે. લાખો રૂપિયાના બાકી વીજ બિલ મુદ્દે વીજતંત્રએ કોઈ પણ રહેમરાહ રાખ્યા વગર જિલ્લા સેવા સદન-2 નું વીજ કનેક્શન કાપી નાખ્યું છે. ₹5 લાખથી વધુનું બિલ બાકી હોવા છતાં માર્ગ અને મકાન વિભાગ (R&B) ના અધિકારીઓએ આંખ આડા કાન કરતા અંતે આ કડક પગલું ભરવામાં આવ્યું છે.
પોરબંદરમાં PGVCLની મેગા ડ્રાઈવ
મળતી માહિતી મુજબ, ઉદ્યોગ નગર PGVCL કચેરી દ્વારા R&B ના કાર્યપાલક અને નાયબ કાર્યપાલક ઇજનેરને અનેકવાર લેખિત અને મૌખિત રજૂઆતો કરવામાં આવી હતી. આમ છતાં બિલની ભરપાઈ ન થતા આજે PGVCL ની ટીમે સેવા સદન-2 નું વીજ જોડાણ કટ કરી દીધું હતું. આ બિલ્ડીંગમાં અનેક મહત્વની સરકારી કચેરીઓ આવેલી છે, જ્યાં અત્યારે અંધારપટ છવાઈ ગયો છે.
