પોરબંદરના માધવપુર વિસ્તારમાં એક પરણીતાની 'પ્રેમલીલા'માં એક નવજાત બાળકનો ભોગ લેવાયો હોવાની આશંકાએ ભારે ઉત્તેજના જગાવી છે. પોતાના અનૈતિક સંબંધો પર પડદો પાડવા માટે કઠોર હૃદયની માતાએ તાજા જન્મેલા બાળકને હાઈવે નજીક દાટી દીધું હોવાની વિગતો પોલીસ તપાસમાં બહાર આવી રહી છે.
પોરબંદરમાં નવજાત બાળકની હત્યાની આશંકા
માધવપુર વિસ્તારની આ પરણીતા છેલ્લા ઘણા સમયથી તેના પતિ સાથે અણબનાવ હોવાથી રિસામણે બેઠી હતી. આ સમય દરમિયાન તેણે પોતાના પ્રેમી સાથે શારીરિક સંબંધો બાંધ્યા હતા, જેના કારણે તે ગર્ભવતી બની હતી. ગત સપ્તાહે તેણે પોરબંદરની એક હોસ્પિટલમાં બાળકને જન્મ આપ્યો હતો. જોકે, આ પાપ દુનિયા સામે ન આવે તે માટે તેણે બાળકનો નિકાલ કરવાનું કાવતરું ઘડ્યું હોવાનું મનાય છે.