રાજકોટ શહેરમાં ગેરકાયદેસર હથિયારો રાખનારા તત્વો સામે પોલીસે લાલ આંખ કરી છે. રાજકોટ SOG (સ્પેશિયલ ઓપરેશન્સ ગ્રુપ) ની ટીમે બાતમીના આધારે લાપસરી રોડ પર વોચ ગોઠવીને એક યુવકને ઘાતક હથિયારો સાથે ઝડપી પાડવામાં સફળતા મેળવી છે.
ડ્રાઇવિંગની આડમાં હથિયારો રાખતો હોવાનું ખૂલ્યું
મળતી માહિતી મુજબ, ઝડપાયેલ આરોપીનું નામ સંજય ભુપ્તા હોવાનું સામે આવ્યું છે. આરોપી વ્યવસાયે ડ્રાઇવિંગ સાથે સંકળાયેલો છે. SOG ની ટીમે જ્યારે તેની તલાશી લીધી ત્યારે તેની પાસેથી 2 નંગ પિસ્તોલ અને 5 જીવતા કારતૂસ (કાર્ટીસ) મળી આવ્યા હતા. પોલીસે આ તમામ હથિયારો કબ્જે કરી આરોપીની કાયદેસરની અટકાયત કરી છે.