રાજકોટ શહેર અને જિલ્લામાં બેફામ વાહન ચલાવતા ચાલકો પર લગામ કસવી હવે અનિવાર્ય બની છે. રાજકોટની ભાગોળે આવેલા કાગશીયાળી ગામ પાસેના હકુભા ચોકમાં એક ગંભીર અકસ્માત સર્જાયો છે. પૂરઝડપે આવતી એક કારે બાઈક સવારને જોરદાર ટક્કર મારતા સમગ્ર વિસ્તારમાં ચકચાર મચી ગઈ છે.
સીસીટીવીમાં કેદ થઈ કારની કરતૂત
આ અકસ્માતના લાઈવ સીસીટીવી ફૂટેજ સામે આવ્યા છે, જેમાં જોઈ શકાય છે કે એક સફેદ રંગની કાર અતિશય ઝડપે આવી રહી છે. હકુભા ચોક પાસે આ કારે બાઈક સવારને એવી રીતે અડફેટે લીધો કે બાઈક સવાર હવામાં ફંગોળાઈને દૂર પડ્યો હતો. કારની ઝડપ એટલી વધારે હતી કે બાઈકને ટક્કર માર્યા બાદ કાર ચાલક તેને કાબૂમાં રાખી શક્યો નહોતો અને કાર રોડથી નીચે ઉતરીને ખાડામાં ઉતરી ગઈ હતી.