રાજકોટ શહેરમાં વર્ષોથી આતંકનો પર્યાય બનેલી અને ગંભીર ગુનાખોરી આચરતી કુખ્યાત ‘ઓડિયા ગેંગ’ વિરુદ્ધ આખરે પોલીસે આકરા કાયદા ગુજસીટોક (GUJCTOC) હેઠળ કાર્યવાહી હાથ ધરી છે. આ ગેંગના સભ્યો સામે ખૂન, લૂંટ અને હુમલા જેવા અનેક ગંભીર ગુનાઓ નોંધાયેલા હોવાથી શહેર પોલીસે કડક વલણ અપનાવ્યું છે.
અવેશ ઓડિયા અને તેની ગેંગનો આતંક
આ ગેંગનો મુખ્ય સૂત્રધાર અવેશ આયુબભાઈ ઓડિયા છે, જે પોતાની ગેંગ દ્વારા શહેરના વિવિધ વિસ્તારોમાં આતંક મચાવતો હતો.આ ગેંગ સામે ખૂન, ખૂનની કોશિશ, લૂંટ, જમીન પચાવી પાડવી અને સરકારી અધિકારીઓ પર હુમલા જેવા કુલ 34 જેટલા ગંભીર ગુનાઓ નોંધાયેલા છે.હાલમાં મુખ્ય સૂત્રધાર અવેશ ઓડિયા 'પાસા' હેઠળ જેલવાસ ભોગવી રહ્યો છે, જેનો પોલીસ કબજો મેળવી ગુજસીટોક હેઠળ ગુનો દાખલ કરશે.
