રાજકોટ મહાનગરપાલિકા (RMC) સંચાલિત સીટી બસ સેવા ફરી એકવાર વિવાદોના વંટોળમાં ફસાઈ છે. તાજેતરમાં સોશિયલ મીડિયા પર વાયરલ થયેલા એક વીડિયોએ મુસાફરોની સુરક્ષા સામે ગંભીર સવાલો ઊભા કર્યા છે. આ વીડિયોમાં સ્પષ્ટ જોઈ શકાય છે કે ઇલેક્ટ્રિક સીટી બસમાં હેન્ડબ્રેક લાગેલી હોવા છતાં પણ બસ આસાનીથી રસ્તા પર દોડી રહી છે.
વીડિયો બસના ડ્રાઈવર દ્વારા જ બનાવવામાં આવ્યો
ચોંકાવનારી વાત એ છે કે આ વીડિયો બસના ડ્રાઈવર દ્વારા જ બનાવવામાં આવ્યો છે. ડ્રાઈવરે તંત્રની બેદરકારીને ખુલ્લી પાડવા માટે આ વીડિયો વાયરલ કર્યો હોવાનું મનાય છે. વીડિયોમાં તે બતાવે છે કે બ્રેક સિસ્ટમ સદંતર નિષ્ફળ ગઈ છે, જે કોઈ પણ ક્ષણે મોટા અકસ્માતને નિમંત્રણ આપી શકે છે.
