રાજકોટ શહેરમાં એક તરફી પ્રેમમાં અંધ બનેલા યુવકની ખતરનાક કરતૂત સામે આવી છે. પ્રેમમાં નિષ્ફળ ગયેલા પ્રેમીએ યુવતી પર દબાણ લાવવા માટે તેની નિર્દોષ માતા અને ભાઈનું ફિલ્મી ઢબે અપહરણ કરતા સમગ્ર પંથકમાં ચકચાર મચી ગઈ હતી. જોકે, રાજકોટ યુનિવર્સિટી પોલીસે ગણતરીના કલાકોમાં જ આ ગુનાનો ભેદ ઉકેલી નાખ્યો છે.
એક તરફી પ્રેમમાં પાગલ પરિવારનું અપહરણ કર્યુ
શહેરના યુનિવર્સિટી પોલીસ મથકની હદમાં રહેતી એક યુવતીના એક તરફી પ્રેમમાં કૃણાલ મીઠાર નામનો શખ્સ પાગલ હતો. યુવતી તેને સ્વીકારતી ન હોવાથી કૃણાલે ખતરનાક પ્લાન ઘડ્યો હતો. તેણે પોતાના મિત્ર ભરત કાળોતરાની મદદથી યુવતીની માતા અને તેના ભાઈને ઉઠાવી લીધા હતા. આરોપીઓનો હેતુ પરિવારને બાનમાં રાખીને યુવતીને લગ્ન માટે કે પ્રેમ સંબંધ માટે મજબૂર કરવાનો હતો.
