પંચમહાલ જિલ્લામાં નશાના કારોબારને જડમૂળથી ઉખેડી નાખવા માટે એસ.ઓ.જી. (SOG) પોલીસે લાલ આંખ કરી છે. ડ્રગ્સના ખરીદ-વેચાણની પ્રવૃત્તિમાં વારંવાર સંડોવાયેલા આરોપી રીઝવાન હુસેન દલ વિરુદ્ધ પોલીસે PIT NDPS એક્ટ હેઠળ આકરી કાર્યવાહી કરી તેને રાજકોટ મધ્યસ્થ જેલ ભેગો કરી દીધો છે.
જામીન પર છૂટ્યા બાદ ફરી શરૂ કર્યો હતો કાળો કારોબાર
પોલીસ તપાસમાં સામે આવ્યું હતું કે આરોપી રીઝવાન દલ અગાઉ પણ નાર્કોટિક્સના ગુનાઓમાં ઝડપાઈ ચૂક્યો હતો. જામીન પર મુક્ત થયા બાદ તે સુધરવાને બદલે ફરીથી યુવાધનને નશાના માર્ગે ધકેલવાનું અને ડ્રગ્સનું વેચાણ કરવાનું શરૂ કર્યું હતું. આ બાબતની ગંભીરતાને ધ્યાને લઈને ઉચ્ચ પોલીસ અધિકારીઓએ તેને પાંજરે પૂરવા આદેશ આપ્યા હતા.
