રાજકોટ શહેરમાં સેલ્ફ-ડ્રાઈવિંગ માટે કાર ભાડે મેળવીને તેને બારોબાર અન્ય રાજ્યોમાં વેચી મારવાનું મોટું કૌભાંડ ક્રાઈમ બ્રાન્ચે ઝડપી પાડ્યું છે. પોલીસે આ મામલે બે શખ્સોની ધરપકડ કરી તેમની પાસેથી બે મહિન્દ્રા થાર ગાડીઓ જપ્ત કરી છે.
સેલ્ફ-ડ્રાઈવ કાર ભાડે લઈ બારોબાર વેચી મારવાનું કૌભાંડ
આ કૌભાંડનો મુખ્ય સૂત્રધાર દર્પણ મણવર સેલ્ફ-ડ્રાઈવિંગ કાર પ્રોવાઈડર્સ પાસેથી લક્ઝુરિયસ કાર ભાડે લેતો હતો.તે કાર માલિકોનો વિશ્વાસ જીતવા માટે શરૂઆતમાં પ્રતિ દિવસના ₹ 7,500 લેખે 5 થી 10 દિવસનું ભાડું એડવાન્સમાં ચૂકવી દેતો હતો.એકવાર કાર હાથમાં આવ્યા બાદ, દર્પણ આ ગાડી તેના સાથીદાર આમિર વોરાને સોંપી દેતો હતો.આમિર વોરા ગાડીમાંથી લોકેશન ટ્રેક ન થાય તે માટે સૌથી પહેલા GPS (જીપીએસ) સિસ્ટમ કાઢી નાખતો અને ત્યારબાદ આ ગાડીઓને અન્ય રાજ્યોમાં વેચી મારતો હતો.
