રાજકોટવાસીઓ અને સૌરાષ્ટ્રના પ્રવાસીઓ જેની આતુરતાથી રાહ જોઈ રહ્યા હતા તે લાયન સફારી પાર્કનું લોકાર્પણ ફરી એકવાર પાછળ ઠેલાયું છે. વહીવટી પ્રક્રિયા અને બાંધકામના બાકી તબક્કાઓને કારણે હવે જુલાઈ મહિનાના અંત પહેલા આ પાર્ક ખુલ્લો મુકાય તેવી શક્યતા નહિવત છે.
વેકેશનમાં મજા નહીં મળે
સામાન્ય રીતે ઉનાળુ વેકેશન દરમિયાન પ્રવાસીઓનો ભારે ધસારો રહેતો હોય છે, જેને ધ્યાનમાં રાખીને તંત્ર દ્વારા મે મહિનામાં પાર્ક શરૂ કરવાનું આયોજન હતું. જોકે, પ્રોજેક્ટમાં હજુ બે મહત્વના ફેઝ (તબક્કા) નું કામ બાકી હોવાથી તંત્ર નિર્ધારિત સમયમર્યાદામાં કામ પૂર્ણ કરવામાં નિષ્ફળ રહ્યું છે. પરિણામે, આ વેકેશનમાં પ્રવાસીઓએ સફારી વિના જ સંતોષ માનવો પડશે.