રાજકોટ શહેરમાં ડ્રગ્સના દૂષણને જડમૂળથી ઉખેડી ફેંકવા માટે પોલીસ કમિશનરની સૂચનાથી SOG (સ્પેશિયલ ઓપરેશન ગ્રુપ) સતત પેટ્રોલિંગમાં છે. ત્યારે શહેરના પંચાયત ચોક વિસ્તારમાંથી નશાના કાળા કારોબારનો પર્દાફાશ કરી પોલીસે બે શખ્સોને મેફેડ્રોન ડ્રગ્સના જથ્થા સાથે દબોચી લીધા છે.
બે શખ્સોને ડ્રગ્સના જથ્થા સાથે દબોચી લીધા
SOGની ટીમને ચોક્કસ બાતમી મળી હતી કે પંચાયત ચોક પાસે ડ્રગ્સની હેરાફેરી થવાની છે. આ બાતમીના આધારે પોલીસે વોચ ગોઠવીને તપાસ હાથ ધરતા શંકાસ્પદ હાલતમાં મળી આવેલા બે શખ્સોની તલાશી લીધી હતી. આ તલાશી દરમિયાન તેમની પાસેથી રૂ. 1.21 લાખની કિંમતનું મેફેડ્રોન ડ્રગ્સ મળી આવ્યું હતું.