સુરતના સારોલી વિસ્તારમાં આવેલી મોડેન ટાઉન રેસીડેન્સીમાં મોડી રાત્રે આગની એક મોટી ઘટના સામે આવી છે. રેસીડેન્સીના પાર્કિંગ એરિયામાં અચાનક આગ ભભૂકી ઉઠતા રહેવાસીઓમાં ભારે ગભરાટ ફેલાયો હતો. આ દુર્ઘટનામાં પાર્કિંગમાં મુકેલા અંદાજે 17 થી 18 વાહનો બળીને સંપૂર્ણપણે ખાખ થઈ ગયા છે.
મધરાતે મચી નાસભાગ
મળતી વિગતો અનુસાર, આગની આ ઘટના મોડી રાત્રે અંદાજે 01:23 વાગ્યે બની હતી. જ્યારે તમામ રહીશો ગાઢ નિદ્રામાં હતા ત્યારે પાર્કિંગમાં લાગેલી આગે વિકરાળ સ્વરૂપ ધારણ કર્યું હતું. આગના ગોટા અને ધુમાડો એપાર્ટમેન્ટ સુધી પહોંચતા લોકો જીવ બચાવવા માટે ઘરની બહાર દોડી આવ્યા હતા અને સોસાયટીમાં નાસભાગ મચી ગઈ હતી.