સુરત શહેરમાં સાયબર ક્રાઈમની ચોંકાવનારી ઘટના સામે આવી છે. જેમાં એક 72 વર્ષીય વૃદ્ધને ઠગોએ 'ડિજિટલ એરેસ્ટ'ના નામે સતત 26 દિવસ સુધી માનસિક દબાણમાં રાખી તેમની પાસેથી ₹1.48 કરોડ જેવી માતબર રકમ પડાવી લીધી છે.
સુરતમાં વૃદ્ધ ડિજિટલ એરેસ્ટનો શિકાર બન્યા
ભોગ બનનાર વૃદ્ધને સાયબર ઠગોએ ફોન કરીને ડરાવ્યા હતા કે તેમના નામથી હિન્દુ ધર્મ અને સરકાર વિરુદ્ધ આપત્તિજનક મેસેજ ફેલાવવામાં આવ્યા છે. આ ગંભીર ગુનો હોવાનું કહી વૃદ્ધને જેલ અને કાયદાકીય કાર્યવાહીનો ડર બતાવવામાં આવ્યો હતો. ઠગોએ પોલીસ કે તપાસ એજન્સીના નામે વૃદ્ધને વીડિયો કોલ દ્વારા 26 દિવસ સુધી નજરકેદ (ડિજિટલ એરેસ્ટ) રાખ્યા હતા.
