સુરત ક્રાઈમ બ્રાન્ચે બાતમીના આધારે ઓપરેશન પાર પાડીને શહેરના એક કુખ્યાત અને વોન્ટેડ આરોપી રાજ પાટીલ ઉર્ફે સંજય આર પાટીલને ઝડપી પાડવામાં સફળતા મેળવી છે. આરોપી લાંબા સમયથી ધરપકડથી બચવા માટે નાસતો ફરતો હતો, જેના વિરુદ્ધ નામદાર કોર્ટે અગાઉ ધરપકડ વોરંટ પણ ઇશ્યૂ કર્યું હતું.
તાજેતરમાં ચપ્પુ બતાવી કરી હતી લૂંટ
આરોપી રાજ પાટીલે થોડા સમય અગાઉ સચિન હોજીવાલા રોડ પર એક નિર્દોષ મજૂરને નિશાન બનાવ્યો હતો. તેણે મજૂરને ચપ્પુ બતાવી ડરાવી-ધમકાવીને તેની પાસેથી 8000 રૂપિયાની લૂંટ ચલાવી હતી અને ત્યાંથી ફરાર થઈ ગયો હતો. આ લૂંટની ઘટના બાદ પોલીસ તેની પાછળ પડી હતી.