શહેરના મહિધરપુરા ગલેમંડી વિસ્તારમાંથી ઝોન-3 LCB (લોકલ ક્રાઈમ બ્રાન્ચ) ની ટીમે બાતમીના આધારે દરોડા પાડીને પ્રતિબંધિત ઈ-સિગારેટનો મોટો જથ્થો ઝડપી પાડ્યો છે. આ કામગીરીમાં પોલીસે રૂપિયા 15 લાખની કિંમતની ઈ-સિગારેટ સાથે એક આરોપીની ધરપકડ કરી કાયદેસરની કાર્યવાહી હાથ ધરી છે.
પ્રતિબંધિત ઈ-સિગારેટનો જથ્થો ઝડપી પાડ્યો
ઝડપાયેલા આરોપીની ઓળખ મહમંદ સાબિર તરીકે થઈ છે. તે સુરતના રાંદેર વિસ્તારનો રહેવાસી છે. પોલીસ તપાસમાં સામે આવ્યું છે કે આરોપી શહેરના જાણીતા જનતા માર્કેટમાં મોબાઈલની દુકાન ધરાવે છે. મોબાઈલના વ્યવસાયની આડમાં તે આ પ્રતિબંધિત વસ્તુઓના વેચાણ સાથે જોડાયેલો હતો.