ઈરાન અને ઈઝરાયેલ વચ્ચે ભીષણ યુદ્ધના કારણે આંતરરાષ્ટ્રીય વિમાન સેવાઓ ખોરવાઈ છે અને દુબઈ અને અબુ ધાબી એરપોર્ટ બંધ કરવામાં આવ્યા છે,હજારો ભારતીય મુસાફરો એરપોર્ટ પર ફસાયા છે અને તમામ ફ્લાઈટ્સ અનિશ્ચિતકાળ માટે સ્થગિત કરાઈ છે. આ યુદ્ધની અસર સુરતના હીરા ઉદ્યોગ પર પડી છે. સુરતથી દુબઈ જતી ફ્લાઈટ રદ થતાં હીરાના ઉદ્યોગકારોમાં ચિંતાનું મોજુ ફરી વળ્યું છે.
હીરા ઉદ્યોગમાં આર્થિક નુકસાન થવાની શક્યતાઓ
છેલ્લા બે ત્રણ વર્ષથી સુરતના હીરા ઉદ્યોગમાં ચાલી રહેલી મંદીમાં જાણે પડ્યા પર પાટુ હોય તે રીતે ઈરાન અને ઈઝરાયેલ વચ્ચે થયેલા યુદ્ધને કારણે ચિંતાનું મોજુ ફરી વળ્યું છે. સુરતથી દુબઈ જતી ફ્લાઈટ રદ થતાં ચિંતાનું મોજુ ફરી વળ્યું છે. રફ હીરાના ટેન્ડરિંગની પ્રક્રિયા પણ અટકી પડી હોવાનું ઉદ્યોગકારો પાસેથી જાણવા મળ્યું છે. આ યુદ્ધને કારણે હીરા ઉદ્યોગમાં મોટુ આર્થિક નુકસાન થવાની શક્યતાઓ છે.