સુરત નજીક કોસંબાના ધામદોડ ગામની સીમમાં આવેલી પી.પી. સવાણી યુનિવર્સિટી (P.P. Savani University) ના કેમ્પસમાં વિદ્યાર્થીઓનાં બે જૂથો વચ્ચે સામાન્ય બાબતને લઈને ઉગ્ર મારામારી થઈ હોવાનું સામે આવ્યું છે.
વિદ્યાર્થીઓનાં બે જૂથો વચ્ચે મારામારી
પ્રાપ્ત માહિતી મુજબ, યુનિવર્સિટી કેમ્પસમાં બેસવા જેવી નજીવી બાબતને લઈને વિદ્યાર્થીઓના બે જૂથો મુખ્યત્વે સાઉથ ઇન્ડિયન અને બિહારના વિદ્યાર્થીઓ વચ્ચે જોરદાર બબાલ થઈ હતી. આ બબાલે ધીમે ધીમે મારામારીનું સ્વરૂપ ધારણ કરી લીધું હતું, જેના કારણે કેમ્પસમાં તંગદિલીનો માહોલ સર્જાયો હતો. આ ઝઘડો જોવા માટે ગયેલા અન્ય કેટલાક વિદ્યાર્થીઓ અને યુવકોને પણ ઝઘડતા વિદ્યાર્થીઓએ માર માર્યો હતો. આ મારામારીમાં એક યુવકને ઇજા પહોંચી હતી. ઇજાગ્રસ્ત યુવકને તાત્કાલિક સારવાર માટે નજીકની હોસ્પિટલમાં ખસેડવામાં આવ્યો હતો.
