શહેરમાં ઠગબાજો અવનવા કીમિયા અજમાવી નિર્દોષ લોકોને નિશાન બનાવી રહ્યા છે. તાજેતરમાં કાપોદ્રા વિસ્તારમાં એક ફાઇનાન્સ પેઢીના સંચાલકે લોન અપાવવાના બહાને ગ્રાહકો સાથે લાખો રૂપિયાની છેતરપિંડી આચરી હોવાની ઘટના પ્રકાશમાં આવી છે.
ફાઇનાન્સ પેઢીના સંચાલકે છેતરપિંડી આચરી
કાપોદ્રા વિસ્તારમાં આવેલી એક ફાઇનાન્સ પેઢીના સંચાલકે ગ્રાહકોને વિશ્વાસમાં લીધા હતા કે તે તેઓને સહેલાઈથી 'એકાઉન્ટ-ટુ-એકાઉન્ટ' લોન અપાવી દેશે. આ લોન અપાવવાની લાલચ આપીને સંચાલકે ગ્રાહકો પાસેથી પ્રોસેસિંગ ફી અને અન્ય વહીવટી ખર્ચના નામે ટુકડે-ટુકડે નાણાં પડાવવાનું શરૂ કર્યું હતું.ભોગ બનનાર ગ્રાહકો પાસેથી લોન મંજૂર કરાવવાના બહાને સંચાલકે અંદાજે ₹5 લાખ જેટલી માતબર રકમ રોકડમાં મેળવી લીધી હતી.
