સુરત મહાનગરપાલિકાની આગામી ચૂંટણીને લઈને રાજકીય ગરમાવો શરૂ થઈ ગયો છે. ચૂંટણી ક્યારે યોજાશે તેની અટકળો વચ્ચે પાલિકા તંત્રએ પોતાની વહીવટી તૈયારીઓ પૂર્ણ કરી લીધી છે. આ તૈયારીઓના ભાગરૂપે આવતીકાલે સુરત મનપાની અંતિમ મતદારયાદી પ્રસિદ્ધ કરવામાં આવશે.
માત્ર 20 વાંધા સૂચનોથી આશ્ચર્ય
સામાન્ય રીતે મતદારયાદીમાં સુધારા-વધારા વખતે મોટી સંખ્યામાં રજૂઆતો આવતી હોય છે, પરંતુ આ વખતે તંત્રને માત્ર 20 જેટલા વાંધા સૂચનો જ મળ્યા છે. જેમાં મુખ્યત્વે મતદારોના બૂથ બદલાયા હોવાની અથવા વોર્ડમાં ફેરફાર થયાની ફરિયાદો જોવા મળી છે. લાખો મતદારો ધરાવતા સુરત જેવા શહેરમાં આટલી ઓછી સંખ્યામાં રજૂઆતો આવતા તંત્રમાં પણ આશ્ચર્ય જોવા મળી રહ્યું છે.