. સુરત ગ્રામ્યના પાલોદ ગામની સીમમાં મોડી રાત્રે વિદેશી દારૂના મોટા જથ્થાનું કટિંગ થવાનું હોવાની ચોક્કસ બાતમી SMCના ઉચ્ચ અધિકારીઓને મળી હતી. બાતમીના આધારે સ્ક્વોડની ટીમે પાલોદ ગામ નજીક આવેલા એક ખુલ્લા ખેતરમાં ઓચિંતો દરોડો પાડ્યો હતો. પોલીસની ગાડીઓ જોઈને સ્થળ પર દારૂ ખાલી કરી રહેલા અને ભરી રહેલા તત્વોમાં ભારે નાસભાગ મચી ગઈ હતી.
વાહનો અને મોબાઈલ સાથે 7 શખ્સો સકંજામાં
પોલીસે કાયદાકીય કોર્ડન કરીને ઘટનાસ્થળેથી જ ૭ આરોપીઓને દબોચી લીધા હતા. ખેતરમાં તપાસ કરતાં પોલીસ પણ ચોંકી ઉઠી હતી, ત્યાંથી અલગ-અલગ બ્રાન્ડની વિદેશી દારૂની કુલ 44 હજારથી વધુ બોટલો મળી આવી હતી, જેની બજાર કિંમત અંદાજે ₹44.54 લાખ થાય છે. આ ઉપરાંત, દારૂની હેરાફેરીમાં વપરાતા 5 મોટા વાહનો, આરોપીઓના 8 નંગ મોબાઈલ ફોન અને રોકડ રકમ મળીને કુલ ₹૧,૦૮,૦૦,০০০ (૧.૦૮ કરોડ) થી વધુનો મુદ્દામાલ જપ્ત કરવામાં આવ્યો છે.