સુરત શહેરમાં ગેરકાયદેસર પ્રવૃત્તિઓ ડામવા માટે પોલીસ એક્શન મોડમાં આવી છે. શહેરના ઉધના અને સિંગણપોર વિસ્તારમાં ચાલતા જુગારના અડ્ડાઓ પર સ્થાનિક પોલીસે ઓચિંતા દરોડા પાડીને કુલ 17 જેટલા જુગારીઓને રંગેહાથ ઝડપી પાડ્યા છે. પોલીસની આ કાર્યવાહીથી જુગારિયા તત્વોમાં ભારે ફફડાટ ફેલાયો છે.
બાતમીના આધારે પાડ્યા દરોડા
પોલીસને ખાનગી રાહે ચોક્કસ બાતમી મળી હતી કે ઉધના અને સિંગણપોર વિસ્તારમાં કેટલાક શખ્સો ભેગા મળીને હાર-જીતનો જુગાર રમી રહ્યા છે. આ બાતમીના આધારે પોલીસે અલગ-અલગ ટીમો બનાવીને બંને વિસ્તારોમાં દરોડા પાડ્યા હતા. દરોડા દરમિયાન પોલીસે સ્થળ પરથી 17 જેટલા ઇસમોની ધરપકડ કરી કાયદેસરની કાર્યવાહી હાથ ધરી છે.
