ચોકબજાર પોલીસે બાતમીના આધારે કાર્યવાહી કરીને આરોપી શૈવિન પુંભડિયાની ધરપકડ કરી છે. આ આરોપી સાયબર ગુનેગારોને પોતાના નામે અલગ-અલગ બેંક એકાઉન્ટ ખોલાવીને ભાડે આપતો હતો. આ એકાઉન્ટ્સનો ઉપયોગ છેતરપિંડીથી મેળવેલા નાણાં ટ્રાન્સફર કરવા માટે કરવામાં આવતો હતો.
કરોડોના ટ્રાન્ઝેક્શન અને 4 રાજ્યોમાં ફેલાયેલું નેટવર્ક
પોલીસ તપાસમાં સામે આવ્યું છે કે આરોપીના બેંક એકાઉન્ટમાં સાયબર ફ્રોડના અંદાજે ₹3.80 કરોડ જમા થયા હતા. આ નાણાં મધ્યપ્રદેશ, ઉત્તરપ્રદેશ, દિલ્હી અને તેલંગણા જેવા રાજ્યોમાં આચરેલા સાયબર ફ્રોડના હતા. તપાસમાં એ પણ જાણવા મળ્યું છે કે શૈવિન એક વર્ષ પહેલા નવી દિલ્હી સાયબર સેલ દ્વારા પણ પકડાયો હતો, પરંતુ તે ફરીથી આ ગુનાહિત પ્રવૃત્તિમાં સક્રિય થયો હતો.
