ડાયમંડ સિટી સુરતમાં ખાણી-પીણીના શોખીન લોકો માટે ચિંતાજનક સમાચાર સામે આવ્યા છે. સુરત મહાનગરપાલિકાના આરોગ્ય વિભાગ દ્વારા શહેરના વિવિધ વિસ્તારોમાંથી લેવામાં આવેલા દૂધ અને ઘીના નમૂનાઓ લેબોરેટરી તપાસમાં 'સબ-સ્ટાન્ડર્ડ' (હલકી ગુણવત્તાના) જાહેર થયા છે. આ રિપોર્ટ બાદ પાલિકાએ સંબંધિત દુકાનદારો અને પેઢીઓ સામે કડક કાર્યવાહી હાથ ધરી છે.
દૂધમાં પોષક તત્વોની ઉણપ
પાલિકાના ખાદ્ય સુરક્ષા અધિકારીઓએ શહેરના વિવિધ ડેરી ફાર્મ અને વિક્રેતાઓ પાસેથી ગાય અને ભેંસના દૂધના સેમ્પલ લીધા હતા. લેબોરેટરી રિપોર્ટમાં જાણવા મળ્યું છે કે 3 ગાયના અને 2 ભેંસના દૂધના નમૂનાઓ નિર્ધારિત સ્ટાન્ડર્ડ મુજબના નથી. આ નમૂનાઓમાં ખાસ કરીને મિલ્ક ફેટ (Milk Fat) અને એસ.એન.એફ. (SNF) નું પ્રમાણ સરકાર દ્વારા નક્કી કરાયેલા ધોરણો કરતા ઘણું ઓછું મળી આવ્યું છે.
